Komprenshon di Alimentation pa mucha

Komo psikólogo, mi ta konshiente tokante e komplejidat di relashonan humano i e dificultat ku mayornan ta topa, spesialmente ora ta trata di alimentashon pa mucha. E regla finansiero aki tin komo meta pa asegurá ku muchanan por krese den un ambiente unda nan no ta falta di nada. Pero, lamentablemente, malentendido ta kousa di frekuente tenshon i konflikto entre mayornan.

Un di e malentendido ta ku algun mayornan ta mira alimentashon pa mucha manera un pago pa e otromayor por tin derecho pa mira su yiu. Esaki no ta korekto. Alimentashon pa mucha ta un aporte finansiero pa kubri e gastunan di kriansa, i no komo un "ruilmiddel" pa derechi di kontakto ku e yiu. E derecho pa tin kontakto ku e yiu ta algu separá di e obligashon finansiero. E derecho pa tin kontakto ku e yiu no mester dependé di entrada/alimentashon di e mayornan. Sin importá si un mayornan ta paga alimentashon of no, kontakto entre mayornan i yiu no mester wordu limitá basá riba situashon finansiero. Ora e mayor ku ta kuida e yiu perde su trabou, tambe lo ta inhuista ora e yiu lo wordu kita for di dje.

Un relashón fuerte ku ambos mayornan ta di balor inmensurable pa un kresementu saludabel di un yiu. E ta forma e fundeshi pa desaroyá abilidatnan emoshonal, sosial i kognitivo esensial. Dor di presensia di tur dos mayornan, e yiu tin e oportunidat pa eksperensiá diferente perspektivanan, estilunan di bida i sosten emoshonal. Un relashon ku ambos mayornan ta ofresé un sentimento di estabilidat i sekuridat na e yiu, ku na su turno ta kontribuí na un "self-image" positivo i na e habilidat pa krea relashonnan saludabel. Además, tur dos mayornan ta sirbi komo "rolmodel", unda e yiu por sinja lesnan i balornan importante. E presensiadie ambos mayornan ta krea un fundeshi balansá pa un kresementu positivo i resistente di e yiu.

Na otro banda, tin biaha entre mayornan ta eksistí e malentendido ku e mayor ku ta risibí alimentashon ta us'é pa su mes enbes di pa e muchanan. Ta krusial pa komprondé ku e gastunan pa kria un yiu ta konsistí di mas ku solamente gasto direktu pa kuminda i panja. Tin hopi otro gastu envolvi ku kriansa di un yiu ku hopi biaha ta keda ignora. Piensa, por ehèmpel, riba e nesesidat di un kas mas grandi òf un kamber adishonal ora un yiu ta biba ku e mayor. Muchanan ta usa elektrisidat, internet, awa, nan mester wordu hiba skol (gasolin), panja mester wordu laba (wasmiddel). Ademas di esaki, tin e nesesidatnan diario manera produktonan di kuido, materialnan skol, i kuido médiko. Muchanan krese rápidamente, kual ta nifiká ku mester kumpra panjanan nobo regular. Gastunan relashoná ku skol no ta limitá na bukinan skol solamente, sino ta inklui gastunan pa biahe skol, materialnan skol i posiblemente lesnan ekstra. Ademas, atividatnan sosial manera fiestanan i aktividatnan despues di skol ta trese gastunan ekstra. Tin tin hopi otro nesesidatnan ku ta requeri sosten finansiero. E gastunan aki ta signifikante i forma un parti importante di e karga finansiero total pa e mayornan ku ta kuida e yiu.

Ta di importansia vital pa mayornan tin konfiansa den e manera kon e otro mayornan ta usa e alimentashon pa mucha, espesialmente ora no tin motibu di preokupashon tokante e aspektonan di bienestar di e yiu, manera panja, desaroyo i bienestar general

In konklushon, ta di gran importansha ku mayornan, no importa nan situashon personal, tin un komunikashon habri i komprondé otro nan puntu di bista. Komo mayornan ta un responsabilidat pa kontribuí na e kriansa di e yuinan. Muchanan prospera mehor den un ambiente unda nan ta eksperenshá e amor i sosten di ambos mayornan. Eliminando malentendí i poniendo énfasis riba bienestar di e muchanan, por pone mayornan traha huntu pa krea un ambiente salubré pa nan yiu.